Во понеделникот (10.12.07) легендарните Led Zeppelin одржаа
концерт во O2 Arena во Лондон. Robert Plant, Jimmy Page, John
Paul Jones и Jason Bonham (синот на John Bonham, оригиналниот
тапанар на групата кој почина во 1980 година), се собраа и
одржаа целовечерен концерт, прв пат после 20 години, колку што
има поминато од концертот што го одржаа на Live Aid, хуманитарниот
фестивал што во 1985 го организираше Боб Гелдоф.
Во понеделникот (10.12.07) легендарните Led Zeppelin одржаа концерт во O2 Arena во Лондон. Robert Plant, Jimmy Page, John Paul Jones и Jason Bonham (синот на John Bonham, оригиналниот тапанар на групата кој почина во 1980 година), се собраа и одржаа целовечерен концерт, прв пат после 20 години, колку што има поминато од концертот што го одржаа на Live Aid, хуманитарниот фестивал што во 1985 го организираше Боб Гелдоф.
Свирката во O2 Arena беше одржана во чест на Ahmet Ertegun основачот на Atlantic Records, издавачката куќа за која групата ги сними и издаде сите свои албуми во периодот од 1969 до 1980 година. Иако беа пуштени “само“ 20.000 влезници за настанот, за кратко време по објавувањето на концертот, преку милион обожаватели на Led Zeppelin побарале карти, а некој човек од Шкотска на добротворна аукција платил цели 170.000 долари за две места. Ако правиме муабет за легенди, тие се тие, а за оние што мислат дека се работи за шминка и индустрија, погледнете ги старите волци (на голем дел од вас можат да им бидат дедовци!) како груваат на сцена, после триесет и осум години од нивното прво издание.
{youtube}a8v_Rqi4B-E{/youtube}
{youtube}3G_JTMuHOQk{/youtube}
{youtube}Wuiv28j8Vq8{/youtube}
Колку за информација, името Led Zeppelin им го дал Keith Moon тапанарот на групата The Who, алудирајќи на тоа дека оловен цепелин не може да се крене од земја, сакајќи најдругарски да им каже дека не ги бива. Во друга прилика, Питер Грент, менаџерот и продуцент на групата, му пружил рака на Боб Дилан претставувајќи му се во името на групата, но овој го погледнал бледо и му рекол дека не се поздравува со лузери! Само неколку месеци по ова Led Zeppelin го издаваат својот прв албум кој им донел заработка од 7.000.000 долари во тоа време, а во текот на својата кариера продале преку 300 милиони носачи на звук. Хе хе хе, каков сеир!
[[Led_zeppelin]]
[In London, Led Zeppelin Gets a Whole Lotta Love]
