Првиот македонски долгометражен анимиран филм „Јон Вардар против Галаксијата“ во режија на Гоце Цветановски беше прикажан во Бразил на 48. издание на престижниот фестивал „Мостра Сао Паоло“. Филмот е дел од компетитивната програма во секцијата Нови режисери на фестивалот кој годинава во својата програма ги вклучи и победниците на Кан, Берлинале, Венеција, Сан Себастијан и други врвни филмски фестивали.
