Најмногубројни се честитките од Соединетите Американски Држави, најмалку три – една од државниот секретар Блинкен, друга од локалната амбасада и трета од нивната дипломатска мисија во НАТО
„Од името на Соединетите Американски Држави им честитам на граѓаните на Северна Македонија на прославата на 33 годишнината од независноста“, ја почнува својата честитка американскиот државен секретар Ентони Блинкен. Веднаш потоа, честита и за изборот на прва жена претседател, а додава и дека САД силно го ценат партнерството со земјата во насока на изградба на „просперитетна демократија вкотвена во евроатлантската заедница“
„Американскиот народ и народот на Северна Македонија споделуваат посветеност на демократските вредности. Со нетрпение го очекуваме продолжувањето на нашата заедничка работа кон промоција на тие вредности, зајакнување на безбедноста и стабилноста и продлабочување на економските врски во регионот. САД ќе продолжат да го поддржуваат нашиот сојузник, Северна Македонија на европскиот пат во годините што претстојат“,
Освен од Вашингтон, САД ја честиташе независноста и од Скопје. Американската амбасада објави видео во кое се појавуваат повеќе нивни службеници во земјава каде тие говорат за различни аспекти кои ги спојуваат двете држави.
Последната во низата е изјавата на американската амбасадорка во земјава, Анџела Агелер.
„На овој многу посебен ден, и се придружуваме на Северна Македононија и на сите вас, во прославата на вашиот Ден на независноста и на вашите енергични и разнолики заедници. Како и нашата независност, вашата беше тешко здобиена, со безброј жртви направени од оние кои верувале во моќта на слободата и демократијата. Денес и секогаш, ја почитуваме вашата историја, вашата сегашност и вашата светла иднина. Среќен Ден на назвисноста!“,
изјави амбасадорката на САД во земјава, Анџела Агелер.
Трета честитка од САД стигна од нивната дипломатска мисија во НАТО. Во неа порачаа:
„Среќен Национален ден на нашите сојузници, партнери и пријатели од Северна Македонија… 30-тата земја-членка на НАТО, која се приклучи во 2020“.
Happy National Day to our 🇲🇰 Allies, partners and friends from North Macedonia…NATO’s 30th member, having joined in 2020.#wearenato pic.twitter.com/QDxaauR98J
— U.S. Mission to NATO (@USNATO) September 8, 2024
Честитки стигнаа и од Европската Унија, поточно од Делегацијата на ЕУ во земјава. Нивната порака беше пократка од онаа на американските колеги:
„Честитки до сите граѓани на Северна Македонија по повод Ден на независност!“,
напишаа на профилите на социјалните мрежи.
Освен пораката, од Делегацијата споделија и неколку фотографии од одбележувањето на Денот на незавиноста на кое присуствуваше и новиот ЕУ амбасадор во земјава, Михалис Рокас, кој има грчко потекло.
Честитка стигна и од НАТО. На твитер профилот на алијансата е објавена фотографија на македонски војник со македонско знаме, а во пораката се вели:
„Ретвитнете за да ни се приклучите во прославата на Денот на независноста на нашиот сојузник Северна Македонија“.
Retweet to join us in celebrating our Ally 🇲🇰 North Macedonia on their Independence Day!#WeAreNATO 🤝 @MKmissionNATO pic.twitter.com/eH3gqa3qBK
— NATO (@NATO) September 8, 2024
Честитки по повод на Денот на независноста испратија и амбасадите на Шведска, на Германија и на Велика Британија. Нивни претставници беа дел од делеациите кои денеска положија цвеќе на вечните почивалишта на претседателите Киро Глигоров и Борис Трајковски, првиот претседател на македонската Влада Никола Кљусев како и пред Споменикот на паднатите борци од НОБ.
Happy Independence Day, North Macedonia! 🇲🇰 @SweAmbassadorMK Larsson Jain was honored to join the celebrations organized by the @VladaMK, including a solemn ceremony at the Philharmonic and laying wreaths at the memorials of the 1st President Gligorov and President Trajkovski. pic.twitter.com/qnFk7xHGms
— Sweden in North Macedonia (@SwedeninMK) September 8, 2024
Честитката за Денот на независноста стигна и од Русија. На Фејсбук профилот на руската амбасада во земјава е објавено:
„На овој значаен ден пред 33 години македонските граѓани се определија за сувереноста и самостојноста на државата. Посакуваме овие принципи, кои ги оттогаш симболизира историскиот датум 8 Септември, да бидат и понатаму патоказ за македонскиот народ. Нека ви е честит Денот на независноста!“.