Ретко кој би можел да се пофали со вниманието кое Џејмс Камерон го посветува на ситни детали. Но еден човек кој успеал да најде грешка во деталите на Џејмс Камерон е астрофизичарот Нил деГрас Тајсон.
Режисерот на „Аватар“ очигледно направил само една промена за повторното издавање на тричасовната драма „Титаник“ – небото. Тој го направил ова по упорното лобирање на астрофизичарот. Тајсон забележал дека во важна сцена во филмот левата половина од небото е копија на десната половина. Тајсон спомнал за време на панел во 2009 година: „Таа (Роуз) гледа во ѕвездите. Има само едно небо кое таа би можела да го види… ама ова е погрешното небо! Уште полошо, не само што е грешното небо туку левата половина беше копија на десната! Не само што беше грешното небо туку беше мрзливо. И си мислам ,Ова е погрешно.’“
{youtube}8B6jSfRuptY{/youtube}
Бидејќи Камерон вложил многу труд за да ни ги пренесе сите детали на бродот и на таа ноќ Тајсон мисли дека неговото жалење за небото било оправдано, дури и ако единствените луѓе кои би забележале се астрономи. Џејмс Камерон потврдил за Discovery: „Нил деГрас Тајсон ми испрати порака во која ми објасни дека, во тоа време од годината на таа положба во Атлантскиот Океан во 1912 година, кога Роуз плови по потонувањето и гледа во ѕвездите таа гледа во погрешни ѕвезди.“
Тој додал: „И поради мојата репутација како перфекционист јас би требало да го знам тоа и би требало ѕвездите да бидат точни. Па реков, ,Добро, ти (Нил деГрас Тајсон) испрати ми ги точните ѕвезди за 04:20 на 15 април 1913 и јас ќе ги ставам во филмот.’ Значи тоа ќе биде единствената сцена која ќе биде изменета.“ Премиерата на 3D верзијата на филмот со точните ѕвезди е оваа недела. [‘Titanic’ re-released: James Cameron made just one change]
