Над 800 врвни уметници и докажани театарски куќи од 24 земји, но и многубројна публика ќе го одбележат 64-то издание на фестивалот „Охридско лето“. Гледалиштата на Античкиот театар, црквата Св.Софија, предворјето на Св. Софија, Долни Сарај, и Центарот за култура беа исполнети до последно место, а тоа ни дава за право да кажеме дека понудивме квалитет со кој го оправдавме епитетот на препознатлив и единствен Фестивал, истакна на денешната прес конференција по повод свеченото затворање на годинешното издание, директорката Наташа Поповиќ.
