47
Не е лесно да го пронајдете патот меѓу различните совети за здрав почеток на денот, но и меѓу предупредувањата што не треба да јадете или пиете наутро.
Додека некои тврдат дека не треба да пиете кафе, други ве потсетуваат дека треба да внимавате на појадокот и да избегнувате тесто, мрсна храна и преработена храна. Сепак, многумина почнаа да избегнуваат кафе и силна храна и двете да ги заменат со енергетски пијалоци.
Лекарите велат дека ваквото решение е многу лошо, бидејќи внесуваме уште поголема количина на кофеин и шеќер во организмот. Кофеинските адитиви во енергетските пијалоци, покажаа истражувањата, го зголемуваат крвниот притисок и го забрзуваат делувањето на срцето.
Нивното дејство ги стимулира процесите кои во нормален физиолошки процес иницираат посилно лачење на хормонот епинефрин во телото. По доза од повеќе од 200 mg, срцето може да оди во аритмија и тахикардија. Овие пијалоци исто така имаат лош ефект врз артериите, зголемувајќи го процесот на калцификација.
Зголемените количини на шеќер во пијалоците се крајно опасни, бидејќи слатките „храни“ земени на овој начин воопшто не даваат чувство на ситост. Затоа, подобро е за појадок да јадете дури и кифла со џем отколку да пиете енергетски пијалок. Изложеноста на органите на такви количества шеќер доведува до дебелеење и замастен црн дроб.
