Израелскиот премиер Бенјамин Нетанјаху денеска изјави дека Израел е подготвен за каква било „агресија“ против него по заканите за одмазда за убиствата на највисоките фигури на Хамас и на Хезболах.
-Израел е на многу високо ниво на подготовка за секое сценарио, и дефанзивно и офанзивно. Ќе направиме секој чин на агресија против нас да плати многу висока цена. Оние кои не напаѓаат, ние ќе ги нападнеме за возврат, се вели во изјавата на Нетанјаху.
Неговите коментари уследија кога шефот на Хезболах, Хасан Насрала предупреди дека либанската вооружена група е обврзана да одговори на убиството на израелскиот висок воен командант, Фуад Шукр, во напад во вторникот во предградие на Бејрут.
Во средата, шефот на Хамас, Исмаил Ханија беше убиен во напад во Техеран, за кој Иран и Хамас го обвинија Израел. Израел одби да го коментира неговото убиство.
-Не знаете кои црвени линии ги преминавте. Непријателот, и оние кои стојат зад непријателот, мора да го чекаат нашиот неизбежен одговор, рече Насрала обраќајќи му се на Израел за време на говорот на погребот на Шукр.
