Најмалку осум лица загинаа, а 84 се повредени изутринава во пожар по експлозија на нафтен терминал во главниот град на Гвинеја, Конакри, изјави висок полициски претставник.
Според него, пожарот е под контрола, но бројот на жртви може да се зголеми.
Експлозијата на единствениот нафтен терминал на западноафриканската држава го потресе административниот округ Калоум во центарот на Конакри, разнесувајќи ги прозорците во неколку околни куќи и принудувајќи стотици луѓе да ја напуштат областа, изјави еден сведок.
Огромните пламени јазици и црниот чад можеа да се видат со километри во далечина додека пожарникарите трчаа кон областа, а неколку камиони-цистерни го напуштија магацинот во придружба на војници и полицајци.
🚨#BREAKING: A massive explosion at a fuel depot in the Guinea capital Conakry, Many injured reported. pic.twitter.com/AOF6Os9pvF
— World Source News 24/7 (@Worldsource24) December 18, 2023
