Министерството за одбрана на Велика Британија денеска соопшти дека обезбедило нови бродови и опрема за зајакнување на борбената способност на украинската морнарица.
„Велика Британија ќе и обезбеди на Украина два брода од класата Сандаун, 20 амфибиски возила Викинг, 23 јуришни бродови Рајдер. Благодарни сме на нашите партнери за нивниот значаен придонес за безбедноста на Црното Море“, објави украинското Министерство за одбрана на платформата. X (Твитер).
Британскиот министер за одбрана Грант Шапс изјави дека Велика Британија заедно со Норвешка ќе ги собере сојузниците со цел разбивање на блокадата на Украина.
„Победата во Црното Море е клучна за воените напори на Украина. Клучна е за обнова на нивната економија за да може Украина да ја финансира својата борба против воената машинерија на Путин“, рече британскиот министер на платформата „Икс“.
Како што соопшти денеска британското Министерство за одбрана, Велика Британија и Норвешка заеднички ќе ја предводат Коалицијата за поморска способност, која ќе понуди план за развој на украинската морнарица.
