„Ние не комуницираме со Заев, ние го пензиониравме него на локалните избори. Ние политички го пензиониравме, Заев даде оставка по поразот на локалните избори, а тој беше резултат на ова раководство кое е сега на ВМРО-ДПМНЕ“, рече потпретседателот на ВМРО-ДПМНЕ, Александар Николоски, во интервју во емисијата „360 Степени“ на јавниот радиодифузен сервис МТВ, за обвинувањата за наводна соработка на ВМРО-ДПМНЕ со СДСМ.
По изборите, кога ќе се смени власта, ќе се испита работата на Заев, уверува Николоски.
„По промената на власта детално ќе ја испитаме неговата работа и доколку има одговорност ќе одговара“, рече Николоски.
Тој укажа дека нападите од партијата сега се кон Димитар Ковачевски и Миле Зечевиќ.
„Додека беше претсеадтел на партијата и на Владата, логично ударот да е кон него, кон Заев, а сега е кон Димитар Ковачевски и Миле Зечевиќ, двајцата како двоец“, заклучи Николоски.
