„Партнерството подразбира двонасочна улица и очекуваме така да бидеме третирани од страна на нашиот партнер ЕУ. Уставни измени според бугарски диктат, содржани во предлогот прифатен од владата на СДСМ и ДУИ, нема да прифатиме. Ефективни уставни измени после успешно завршени преговори и членство во ЕУ – тоа е последната и конечна позиција на ВМРО-ДПМНЕ“, информираат од партијата.
Од ВМРО-ДПМНЕ посочуваат дека доколку ЕУ навистина сака, ова е одлична позиција за компромис и продолжување на процесот.
„Го охрабруваме Европскиот Совет сериозно да ја разгледа позицијата на ВМРО-ДПМНЕ и заедно да овозможиме иднина на Македонските граѓани со сочувано достоинство и идентитет“, се вели во соопштението од ВМРО-ДПМНЕ.
Од ВМРО-ДПМНЕ, исто така, посочуваат дека не биле дел од процесот со кој, како што велат, се создаде проблемот и се прифати т.н. „француски предлог“.
„ВМРО-ДПМНЕ како државотворна партија, и покрај тоа што не е дел од проблемот кој го направи владата на СДСМ и ДУИ, се обидува во неколку наврати да го реши проблемот, и притоа сме целосно свесни за нападите од политичките лешинари силно спонзорирани од владата на СДСМ и ДУИ“, се вели во соопштението од ВМРО-ДПМНЕ.
