На радост на сите љубители на фудбалот ќе гледаме финале и спектакл помеѓу Аргентина и Франција, две репрезентации кои најмногу прикажаа на ова Светско првенство, предвoдени од двете најголеми ѕвезди во моментов Килијан Мбапе и Лионел Меси, а на трибини ќе биде нивниот газда Ал Келаифи – сите среќни и задоволни.
Ова светско првенство го одбележа „тика-таката“, која замина во историја. Ако до минатото СП, сите селекции кои имаа поголем посед на топка во најголем процент ги добиваа мечевите, сега повеќе не е така и тоа е нешто што посебно би го издвоил на фудбалски план од Катар.
