Заменик претседателот на Советот за безбедност на Русија, Дмитриј Медведев, повторно ѝ се закани на Украина.
„Сегашните ултиматуми се само загревање и детска игра за барањата што ќе ги имаме во иднина. И тој ги знае – целосна капитулација на режимот во Киев според условите на Русија“, напиша Медведев на Телеграм.
Заканите од Медведев уследија уследи откако претседателот на Украина, Володимир Зеленски, во интервју за Си-ен-ен изјави дека не е подготвен да преговара со Москва додека Русија поставува ултиматуми.
„Тоа е мојот принцип, не разговарам со тие кои поставуваат ултиматуми“, изјави Зеленски, додавајќи дека Русија нема желба да преговара на конструктивен начин.
Извор: МИА
