Украинската Врховна рада синоќа објави видео-симулација од фиктивно руско бомбардирање на Париз, за да покаже како би изгледало кога Русите би бомбардирале некоја од европските престолнини. Целта на видеото, насловено „Париз под бомби“ е да ги сензибилизира Европејците и, конечно, да резултира со одлука на Западот да го затвори небото над Украина, што земјата постојано, засега без успех (поради стравот на западните сојузници од ескалација на војната надвор од границите на Украина), го бара.
„Дали познатата Ајфелова кула во Париз или Бранденбуршката порта во Берлин би останале да стојат под бескрајните бомбардирања на руските трупи?“, прашуваат Украинците во видеото објавено на Твитер, јавува дописникот на МИА од Украина.
„Дали мислите дека ова не Ве засега? Денес е Украина, утре ќе биде цела Европа. Русија ништо нема да ја запре“, се наведува во твитот на Врховна рада.
Во видеото, украинскиот парламент порача и дека Украинците ќе се борат до крај. Воведувањето на NFZ (no-fly zone, затворање на небото), или испраќање на борбени авиони за Украина – како алтернатива, велат, на Украинците ќе им даде шанса за живот.
Would the famous Eiffel Tower in #Paris or the Brandenburg Gate in #Berlin remain standing under endless bombing of Russian troops?
Do you think that does not concern you?
Today it’s #Ukraine, tomorrow it will be the whole of #Europe. Russia will stop at nothing. pic.twitter.com/vi6z5UWV8q— Verkhovna Rada of Ukraine (@ua_parliament) March 11, 2022
