„Почнувајќи од првите три дена на предизборната кампања, актуелниот режим со оружје и вандализам има намера да ја наштети предизборната кампања. Ние се соочуваме со противници кои што не знаат што претставуваат демократски и цивилизирани избори, но ова се нивните последни клоци“, реагираа денеска од Алијанса за Албанците, според кои прво во Чаир, но потоа и во Желино, отварањата на комуналните штабови на ДУИ се придружени со пукања, и тоа во присуство на високи функционери кои, како што се вели во реакцијата, ракоплескаат и ги поддржуваат овие дела.
„Освен пратениците и останатите функционери, за време на последниот инцидент во Желино присутен беше и Заменик министерот за правда – Агим Нухиу.
Се потсеќаме на настаните пред 4 години во Чаир, кога победата беше украдена и никој не одговараше за пукањето со оружје, затоа, ние сме уверени дека ни овој пат нема да се преземе ниту една мерка, бидејќи обвинителството е во рацете на бившиот министер на ДУИ и законот за нив не важи“, обвинуваат од Алијанса за Албанците.
„Власта предводена од ДУИ-ДПА која манипулираше со
изборите во Чаир од 2013 година нема епилог. И другиот пазарџија се казнува па потоа се става предметот на повторно разгледување, само затоа што одлично им служи на тајните служби“, додаваат тие.
Од АА реагираа и за уништувањето на нивни предизборни материјали во Тетово, каде биле вандализирани рекламни материјали и билборди од нивниот кандидат за градоначалник Вулнет Мурсели. Ваквиот чин е уште еден аларм за институциите во земјата, а посебно за меѓународните заедници и мониторинг мисиите на Европската Унија, велат од партијата.
„Јавно го прашуваме Премиерот Зоран Заев, дали се овие инциденти со оружја и демолирање на предизборниот материјал во Скопје и Тетово, стратегија на Владата, бидејќи веќе се дозна дека неговите партнери ги се извршители на овие дела?
Сакаме да ги по повикаме граѓаните да не се вознемируваат. Овие се последните обиди на коњот пред умиpaње, дела на партии кои губат. И во минатото сме виделе партии кои направиле вакви дела и денеска се борат за да преживеат“, порачаа од опозицијата од албанскиот блок.
Опозицијата од македонскиот блок, пак, го осуди користењето оpyжје на митинзите на ДУИ.
„ВМРО-ДПМНЕ најостро ги осудува пукањата на митинзите на ДУИ што е кривично дело кое го штити полицијата на Спасовски.
Криминалната коалиција на власт е нервозна затоа што ќе ги загуби изборите. Премиерот Заев не треба да глуми изненаден, доволно е да даде наредба на Спасовски виновниците за пукотниците да се санкционираат. Тоа нема да го направи затоа што СДСМ и ДУИ ги врзува криминалот и тендерите“, се вели во реакцијата.
„Во која друга европска држава има митинзи со пукотници на оружје?“, прашуваат од ВМРО-ДПМНЕ, кои одговор побараа од премиерот Заев.
Од Алијанса уште вчера побараа Обвинителството да почне истрага за употреба на недозволено оpyжје на јавни настани.
„Оpyжјето симболизира cмpт и токму отворањето на штабот со истpeли од oгнeно оpyжје од страната на милитaнтитe на ДУИ, зборува за начинот на кој што оваа партија стреми кон победа, со зaкaни, притисоци, манипулации и влевање на стpaв!“, порачаа тие, барајќи одговорност од организаторот на собирот, односно ДУИ – партијата што го организираше настанот.
