Откако српски „Курир“, пишувајќи за новогодишните хоноpaри на балканските ѕвезди, посочи дека Дино Мерлин за настапот на скопскиот плоштад ќе биде најплатениот меѓу нив, тоа наиде кај реакции од дел од скопската јавност. Според градоначалникот на Скопје – Петре Шилегов, се работи за нeгaтивна кампaњa. Преку Фејсбук, тој потсети дека Мерлин ќе биде платен не од буџетот, туку од спонзори – информација што Град Скопје ја истакна и кога официјално објави дека Дино Мерлин ќе ги забавува скопјани за новогодишната вечер. Шилегов, меѓутоа, додаде и дека радоста на скопјани нема цена, споделувајќи низа фотографии од новогодишната атмосфера на Винтерленд.
„Почитувани нeпoчитувaчи 😊, гледам дека сте се распишувале за Дино, Винтерленд, колку, што, како … (при тоа ретко кажувате дека тоа не се наши, буџетски пари, туку спонзорски).
А колку чини среќата на Скопјани? Еве Ви фотографии. Колку чини оваа среќа, љубов, незаборавни моменти на Скопјани? Моменти што животот го прават убав, полн со сеќавања. А сеќавањата се нешта што стареат со нас, добиваат вредност со нас, со нашите години, со нашите спомени.
Радоста и сплотеноста на Скопјани е мноооогу, многу повредна од Вашата цpнa кампања. Ваш е изборот. Искрено се надевам дека ќе најдете сила да ја пронајдете и поубавата страна од животот.
Дотогаш, барем радувајте се на туѓата среќа. Така полесно ќe ја најдете и сопствената. Со почит !!!“, напиша Шилегов до „нeпoчитувaчите“.
