Македонија добива техничка влада веднаш по Нова година, поточно на 3 јануари, а предвремените парламентарни избори ќе се одржат на 12 април в година, било договорено вечерва на лидерската средба, дознава НетПрес.
Досегашните информации велат дека најверојатно на местото на Зоран Заев од трети јануари, ќе дојде Оливер Спасовски, и ќе ја извршува фунцијата технички премиер до 12 април, денот за кога се закажани парламентарните избори.
Спасовски е дипломиран правник на Правниот факултет „Јустинијан Први” при Универзитетот „Св. Кирил и Методиј“ во Скопје.
Спасовски својата професионална кариера ја зпаочнува како адвокатски приправник. Од 2001 до 2005 работи како советник на градоначалникот на Општина Куманово, а од 2008 до 2011 година работи како секретар на Општина Куманово.
Во периодот од 2006 до 2008, од 2011 до 2014, и од 2016 до 2017 година, Спасовски бил пратеник во Собранието на Република Македонија.
Како докажан професионалец и познавач на безбедносната политики, но и со предходно докажаната посветеност, Оливер Спасовски на 31 мај 2017 година по трет пат е избран за министер за внатрешни работи.
Спасовски предходно во два наврати ја извршуваше функцијата како прв човек на министерството за внатрешни работи, и тоа првиот пат од 11.11.2015 година до 18.05.2016 година и вториот пат од 02.09.2016 година до 29.12.2016 година.
