Во пресрет на сезоната кога задолжително треба да носите зимска опрема, многу е важно да бидете добро информирани пред да направите избор на зимски гуми.
Како возачи, треба да знаете и како да ги изберете, но и како оптимално да ги користите и чувате гумите за да ви траат подолго.
Заштеда на гориво
Здравиот разум вели дека помалиот отпор на тркалање ќе резултира со помала потрошувачка на гориво. Од друга страна, помалиот отпор може да се преведе како полош грип на гумата, а со тоа и полоши својства во поглед на динамика. И тоа е донекаде точно, но не треба да ве загрижува бидејќи се работи за нијанси за кои е потребно да имате големо возачко искуство, храброст и спортски движења што се својствени за тркачките стази, а не за улиците и патиштата.
Затоа, слободно следете ги ЕУ налепниците со симбол за бензинска пумпа – колку помалку енергија е потребна, толку помала е потрошувачката на гориво. Заштедата на гориво има оцена од А до G на бојата означена на скалата, а разликата меѓу крајните вредности е до 7,5% од вкупната потрошувачка на возило. Едноставно кажано, правилниот избор на гуми може ќе ве чини малку повеќе, но ќе ви донесе заштеда и до 1 литар гориво на 100 поминати километри.
Совет плус: Со оглед на тоа дека една петтина од потрошувачката на гориво отпаѓа на отпорот на тркалање, јасно е дека не треба да возите во лето со зимски гуми. Покрај тоа што драстично ќе го скратите траењето на гумите, тие дополнително ќе се лепат за жешкиот асфалт и ќе се зголеми потрошувачката на гориво.
Како се грижите за гумите?
Ако добро се грижите за гумите, правилно ги складирате и користите, ќе ви траат без проблем неколку сезони.
Чистењето на гумите се подразбира, но не со пресилен млаз вода, агресивни детергенти или средства за сјај. Во поглед на складирањето, важно е да се затворени во темен простор со природна вентилација и минимално одвојување од подлогата. Ако гумите немаат бандажи, свртете ги вертикално, а ако имаат – легнете ги хоризонтално.
Имајте предвид дека гумите најмногу се оштетуваат со возењето, односно начинот на кој возите. Ако нагло кочите и забрзувате, возите по оштетени патишта и невнимателно се паркирате, ваквите лоши навики може значително да го намалат животниот век на вашите гуми.
Совет плус: Ако не се грижите правилно за гумите, ќе мора да ги менувате веќе следната сезона и тоа без разлика на поминатата километража. Тоа е навистина штета, бидејќи добрите гуми со добра грижа може да ви траат со години. Роковите се различни, па некои производители тврдат дека гумите може да ви траат и до 6, па и 10 години.
Порталот Auto Express направи тестирања и ги издвои најдобрите зимски гуми за претстојната сезона.
Беа тестирани десет зимски гуми од исто толку различни производители, во димензии 225/45 R17:
* Nokian WR Snowproof
* Vredestein Wintrac Pro
* Hankook i*cept RS2
* Michelin Alpin 6
* Continental WinterContact TS 860
* Toyo Snowprox S954
* Dunlop Winter Sport 5
* Pirelli Winter Sottozero 3
* Falken Eurowinter HS01
* Goodyear UltraGrip Performance+
