Социјалната мрежа Твитер веднаш пламна со хаштагот #TrampNotWelcome откако Трамп кажа дека „наскоро“ ќе ја посети Германија, за време на вчерашна прес-конференција на самитот Г7 во француски Бијариц. Твитерџиите веднаш забележаа како вообичаено прибраната шефица на германската влада изреагира на изјавата на својот американски колега.
„Ние ќе дојдеме… многу сме почестени од поканата и… вистина е… ќе дојдеме. Најверојатно набрзо“, кажа Трамп, на што Меркел се насмеа.
Откако успеа да си ја врати смиреноста, Меркел одговори дека „повеќе пати“ го поканила американскиот претседател. За време на конференцијата, Трамп ја нарече Меркел „брилијантна жена“ и ја опиша нивната средба како „мошне продуктивна“.
Трамп сѐ уште нема отидено во официјална посета на Германија, појавувајќи се само на големи настани како самитот Г20, кој се одржа во Хамбург во 2017. Германското потекло што американскиот претседател го спомна се однесува на неговиот дедо, Фридрих, кој наводно бил роден во Германија и подоцна емигрирал во САД.
Trump: I have German in my blood
Merkel: Snort loudly. 🤣🤣😉Watch
She literally had to stop herself from bursting out loud laughing pic.twitter.com/GNnrcGU7YO
— Tahar (@laseptiemewilay) August 27, 2019
