Вулканот Етна на Сицилија е во ерупција откако од еден кратер тече лава, соопшти италијанскиот Институт за геофизика и вулканологија.
Ерупцијата е испрекината и лавата тече на југоисточната падина од вулканот на километар ипол од кратерот. Пикот на активноста е забележан во текот на ноќта.
Поради ерупцијата на вулканот евакуирано е населението од тоа подрачје. Затворени се и два аеродроми.
Облакот од пепел предизвикан од ерупцијата се гледа од цела источна Сицилија. Видливоста е намaлена и поради тоа се затворени два аеродроми во Катанија. Последна голема ерупција на овој вулкан се случила пред 10 години.
