Златен ретривер спаѓа во раса на кучиња која ги разнежнува срцата на сите околу нив влевајќи чувство на сигурност и искрена љубов. Пријател на секој човек и раса со неизмерно топло срце.
Златниот ретривер првенствено се користел за помош при лов на патки или други птици и како такви, тие биле развивани да имаат мека уста за да можат да ги донесат патките од водата неоштетени.
Интелигенцијата на оваа раса им служи за повеќе намени: куче водич за слепите, куче кое слуша за глувите, ловечко куче, детектор на илегални дроги, и куче кое учествува во “барај и спаси” акциите. Со нивниот лојален и нежен темперамент, тие се исто така популарни домашни миленици.
Златните ретривери се дружељубиви кучиња и секогаш желни да помогнат. Тие се 4ти по ред најпопуларни домашни миленици во САД. Златните ретривери се исто така многу мирни и претпазливи со малите деца.
Темпераментот на златните ретривери е заштитен знак на оваа раса кучиња, тие се одликуваат по нивната љубезна и дружељубива природа. Тие не се кучиња верни само на еден човек (на својот сопственик) и генерално се еднакво мили со луѓе што ги знаат како и со непознати. Бидејќи се наивни, нежни и веруваат не се добри како кучиња чувари. Било каква форма на непровоцирана агресија или непријателство кон или луѓе, кучиња или други животни, е тотално неприфатлива за златниот ретривер и не се вклопува во карактеристиките на овие кучиња. Типичниот Златен ретривер е мирен, природно интелигентен со голема желба да задоволи.
Златниот ретривер се рангира како 4ти на местото во The Intelligence of Dogs на Стенли Корен (Stanley Coren), како едно од најбистрите кучиња во дресирањето.
Златните ретривери се: љубезни, нежни, паметни, верни, предадени, друштвени…
Па ако сте во потрага по нов пријател, златниот ретривер е вистинскиот за вас. Секогаш спремен да ве расположи и да ви пружи неизмерна љубов.
