Обвинетиот Митко Чавков не поднел барање за амнестија, потврди денес неговиот адвокат Сашко Дуковски.
Во изјава за медиумите Дуковски рече дека обвинетиот поранешен директор на БЈБ, Митко Чавков се изјаснил дека ќе ја докаже својата невиност пред судот. За Законот за амнестија Дуковски рече дека е донесен наменски, само за одредени лица.
Запрашан како правник како гледа на тоа дека судијката Добрила Кацарска смета дека не треба таа да одлучува по поднесените барања, адвокатот на Чавков рече дека судијката е во право со нејзиниот став по ова прашање.
Освен обвинетиот Чавков, барање за амнестија за 27 април не поднесоа обвинетите Јане Ченто, Игор Југ и Душко Лазаров.
