Долгата историја на европските земји овозможила развој на многу типови архитектура. Една од најретките, и речиси ексклузивно европска форма на архитектура се замоците. Огромни градби кои порано имале чисто заштитна функција, но денес се сведоци на период исполнет со страв.
Постојат различни типови на замоци. Средновековните сиви камени градби, кои имале само една функција, заштита на оние кои биле внатре. Замоци со готска архитектура кои покрај тоа што сè уште ја имале својата заштитна функција добиле и декоративни елементи, па се до ренесансните палати кои биле луксузни домови на благородниците.
