Адеа Шабани, 25 годишна студентка по глума од Македонија е пријавена за исчезната во полициската станица во Лос Анџелес, пренесува ABC7.
Шабани е исчезната на 23 февруари, а нејзините блиски пријатели ја опишале како комуникативна личност која не пропуштала часови по глума, а и редовно комуницирала со своето семејство во Македонија.
Истрагата е во тек и сега за сега нема никакви нови докази за нејзиното исчезнување. Нејзината мајка замина во САД, каде ангажирала приватен детектив и се надева дека наскоро ќе ја пронајде ќерката.
Оние што ја знаат Шабани на почетокот мислеле дека е зафатена, но сомнежот се зголемил откако таа пропуштила важен час на Академијата за актерство на Стела Адлер. Тогаш тие се јавиле кај полицијата на Лос Анџелес.
Полицијата ја опиша 25-годишната скопјанка како белкиња со руса коса и сини очи. Висока е 165 сантиметри, а тешка шеесетина килограми.
