Станот кој ќе го погледнете на следните фотографии има само 45 метри квадратни, но со одличен распоред на просториите. По малиот ходник веднаш наидувате на дневната соба од која дел се употребува како спална соба.
Овој простор е опремен со едноставни, неутрални и класични парчиња мебел како што е сивата аголна гарнитура, црни маси и минималистички столици. Во самиот агол на просторијата изградена е бела платформа со вградени полици и три скали кои водат до брачниот кревет. Со цел да се одбегнат незгоди во текот на ноќта, платформата е заштитена со бела ограда, а дополнителна приватност може да се постигне со белите завеси од двете страни на креветот.
Од другата страна на станот се наоѓа терасата, трпезаријата и кујната, а остатокот на просторот се одликува со потопли бои. Освен плочките на подот кои создаваат контраст на сивиот паркет во дневната соба, мебелот е во комбинација на светли и темни бои, а просторот е дополнително декориран со украси од бакар.
Позадината во кујната е покриена со сини мозаични плочки, а помеѓу овие простории не постојат врати така што овој простор изгледа визуелно поголем.
Извор: tocka.com.mk
