За време на Самитот АПЕК што ќе се одржи во Виетнам, потврдено е дека состанок ќе имаат Владимир Путин и Доналд Трамп.
Најверојатно Путин и Трамп ќе разговараат за проблемот со Северна Кореја, како и за подобра економска соработка меѓу двете држави.
Подготовката на деталите и темите околу нивната средба е во тек, пренесуваат светските медиуми.
За своето учество на Самитот на азиско-пацифичките земји АПЕК, Трамп изјавил дека би сакал Путин да помогне околу ситуацијата со Северна Кореја, а најавил и состаноци и со други светски лидери.
Не се знае дали на дневен ред е влијанието на Русија врз претседателската кампања на Трамп, што е моментално предмет на истрага на американските служби.
