Мало Гугл пребарување и ќе сфатиш дека не само што бројот на календари од година во година расте, туку и темите одат до граници да ти е шубе да го закачиш календарот на ѕидот. Причините за постоењето на календари варираат: Некои се промотивни, други носат активистичка порака, трети се во име на добрата заебанција, четврти се едноставно досадни. Зборуваме за календари со „јога мачки“, „њујоршки таксисти“, „раскрсници низ светот“ и слични. Како и да е, колку и да е чудна темата, очигледно календарите добро се продаваат кога во нив има голотија, па како резултат на тоа, постои обид да се сексуализира секоја можна тема.
И така стигнуваме до овогодинешниот германски календар насловен како Jungbauerntraume, или во превод „Сонот на секој млад фармер“. Во овој, голите девојки позираат со ниви, полиња и трактори – сетинг кој кај повеќето не предизвикува никаква сексуална реакција освен негативна, ама ете, ги радува тие млади германски фармерски груби раце.
