Чивитакампомарано е мало село во италијанската провинција Кампобасо со само 400 жители, претежно населено од возрасни луѓе.
Во ова село, богато со народни традиции, интернетот е делумно непознат свет, а мобилниот интернет е практично непостоечки. Сепак, помладите жители на гратчето решаваат да ги претстават овие виртуелни функции во реалноста, а нивната цел е да покажат дека социјалните мрежи, пребарувачите и сајтовите кои ги користиме секој ден, постојат и во реалниот живот, каде што врската со глобалната мрежа е тешко остварлива.
Жителите на селото успешно покажуваат дека овие популарни инструменти на современата култура секогаш постоеле, а се зависи од тоа како ја доживуваме нивната форма.
