Урбанистичкиот вирус ги голта пирамидите

Многу пред Индијана Џонс да инспирира куп деца да се заинтересираат за Египтологија и пред да биде отворен гробот на Тутанкамон, истражувачите, туристите и авантуристите кои патуваа во Египет за да ги видат пирамидите, наидуваа на многу поинаква глетка од онаа денес.

Моментално, градот Гиза – кој се смета за „дом на пирамидите“, брои околу 3.6 милиони жители, а во близина е и многу поголемиот Каиро – со нешто повеќе од 20 милиони население. Популацијата сé побрзо го населува истиот простор на кој се наоѓаат пирамидите, а тој тренд особено се засилува по Арапската пролет. Модерниот урбанистички вирус е сé поблизу до тоа да ги проголта чудата на античкиот свет, а се разбира, тоа уништува огромен дел од мистичната атмосфера по која се познати пирамидите.