Раководството на Jaguar го одобри концептот за нов модел предводник, кој ќе го замени седанот XJ. Тој ќе биде супер луксузна лимузина со хибриден погон, каде основа ќе е V6 мотор.
Според плановите прототипот на идниот автомобил ќе биде прикажан во 2018 во чест на 50-годишнината на XJ, а продажбата на сериската верзија ќе започне година дена подоцна. Поголем дел од раководството, истакнувајки ги пред се економските аргументи, гласаа за концептот за класичен седан, отфрлувајќи ја идејата за супер теренец на Jaguar, сличен на Range Rover Sport.
Извори од компанијата откриваат дека шефовите сметаат дека мора да се крене нивото во овој сегмент, бидејќи конкурентите од најголемата германска тројка отидоа премногу далеку. На крајот одлучено дека единствената шанса на идниот XJ да им се спротистави што посериозно на Audi A8, BMW 7 и Mercedes-Benz S-класа би биле хибридните технологии и системи за автономно управување.
Новиот предводник би требало да биде изграден на модернизирана алуминиумска платформа D7, чии компоненти се изработуваат и од други композитни материјали.
