Според измените и со воведувањето на електронскиот систем во јавниот превоз, ќе се промени и цената на билетите.
Имено, ако сакате да купите карта од кај возачот истата ќе чини 60 денари, а билетот со електронска картичка во тарифните зони 1 и 2 ќе чини 35 денари. Цените се однесуваат на државните и приватните автобуси.
Со ова се исклучува можноста од 1 ви јануари да се купуваат билети од билетарите на ЈСП.
Цената на ноќните билети останува 40 денари, а со мобилен телефон 50 денари. Билетот за 10 возења со електронска картичка во тарифната зона 1 ќе чини 250 денари, а комбиниран во тарифните зони 1 и 2 ќе биде 300 денари.
Месечниот билет за студенти и пензионери ќе чини 1.050 денари, како и досега, додека децата без родители или родителска грижа со над 18-годишна возраст заедно со корисниците на правото на социјална помош ќе плаќаат 700 денари за месечен билет.
