Љубители на поп или џез, или можеби сте љубители на класичната музика. Погледнете што издава вашата омилена музика за вашата личност.
Хеви метал
За разлика од македонските стереотипи дека металците се проблематични (кампањи, книги, филмови), детално истражување покажува дека фановите на хеви металот се нежни и креативни. Адријан Норф, доктор по филозофија, спроведува тригодишно истражување, поврзано со музичките параметри со личноста во кое што учествуваат повеќе од 36 илјади луѓе. Резултатите од него покажуваат дека луѓето кои слушаат хеви метал се претежно млади, доста сложени, креативни и многу блиски по карактер до оние кои претпочитаат класична музика.
Класична музика
Љубителите на класичната музика се паметни. Комплексна и носталгична е идеалниот опис како за класичната музика, така и за нејзините обожаватели. Според истражувањето на доктор Норф тие се креативни, паметни, интровертни и со високо мислење за себе. Гледаат на слушањето музика како на театарско искуство и како и фановите на Метал музиката сакаат перспективи. Луѓето кои слушаат класика, се претежно постари или оние кои заработуваат добро. Тука се и луѓето кои од мали се занимавале професионално со овој музички правец.
Хип Хоп
Фановите на хип-хоп културата се екстровертни, енергични и ритмички слушатели. Фановите на хип-хоп музиката го сакаат социјалниот аспект на музиката – танцување, пеење и споделување со други наместо затворање на музиката во пар слушалки. Се дефинираат како екстроверти и имаат високо мислење за себе.
Поп музика
Поп музиката е за пријателските типови на луѓе. Во споредба со останатите категории, луѓето кои слушаат поп музика, покажуваат недостаток на креативност и со тенденција постојано да се загрижени за нешто. Сепак тие се пријателски расположени и социјални. Слушателите кои постојано си пуштаат исти парчиња, го прават тоа за да им наметнат некакво влијание на расположението.
Рок
Рокерите се одмерени, но и малку себични. Класичните рок фанови работат напорно и обично се во хармонија со себе. Тие се најегоцентрични, во споредба со останатите групи. Слично на обожавателите на поп музиката, луѓето кои слушаат рок, ја користат омилената музика, за да го подобрат расположението, бидејќи обично ја поврзуваат со некакво силно емотивно доживување. Фановите во оваа група, сепак може да се разликуваат доста во зависност од типот рок кој го слушаат. Луѓето кои преферираат инди рок, се креативни и отворени кон нови искуства, но имаат ниска работна етика и самопочит. Преференциите кон панк рок пак издаваат енергичност, емоционалност и слаба емпатијата.
Џез и блуз
Фановите на џез и блуз правците се категоризирани како големи мислители. Слично на луѓето кои слушаат класична музика слушателите во оваа група се замислени, непристрасни и исклучително креативни. Ја користат музиката повеќе како вежба за умот, отколку за телото. Ако свирите џез на пример, можете да исклучите дел од мозокот за да отклучите дополнителна креативност.
Кантри
Љубителите на кантри музиката се вредни. Луѓето од оваа група се скромни, љубезни, работат многу. Помалку се отворени кон други видови музика и уметност. Политичките верувања најчесто им се конзервативни.
