Стив Катс е фриленс илустратор и аниматор од Лондон, Англија. Претходно неколку години работел во маркетинг агенција, како илустратор за глобално познати брендови и кампањи.
Токму таа изложеност на консумеризмот и капитализмот, кои го карактеризираат модерното општество, е основата на неговата слободна уметност – неговите илустрации и анимации се преплавени со општествен коментар кој алудира на тажната состојба во која се наоѓа светот, како што го гледа Катс.
Несомнено нé потсетува на Кучински, не затоа што се слични по стилот, туку затоа што с(м)е истомисленици.
