Со неочекуван пресврт заврши средбата на дете од една година и опасна отровна змија во Бразил – детето ја искасало до смрт змијата без да настрада.
Локалното радио Gaucha јави дека невообичаениот случај се случил во градот Мостардас во државата Рио Гранде до Сул. Малиот Лоренцо си играл во дворот на домот, кога до него се појавила отровна змија која е исклучително опасна за човекот, уште повеќе за мало дете. Како точно детето успеало да ја касне и убие змијата не е јасно.
Веднаш по инцидентот Лоренцо бил однесен во болница со сомнеж за каснување од змија. Но лекарите не пронашле никакви знаци за присуство на отров во организмот и ги увериле родителите дека тој не е повреден и се чувствува одлично.
