Фудбалерот на Барселона Дани Алвес беше многу искрен во последната изјава. Тој се надева дека Меси ќе биде повреден до наредниот дуел од квалификацискиот циклус за СП каде силите ќе ги одмерат Бразил и Аргентина.
„Би сакал Меси да биде повреден до тој натпревар. Се надевам дека Нејмар тогаш ќе игра, но не и Меси. Без најдобриот фудбалер во светот, нашите шанси се поголеми”
Првичните прогнози на медицинскиот тим беа дека Меси ќе биде целосно опоравен до 12 Ноември, па ќе може да настапи и на натпреварот против Бразил и на Ел Класико кое се игра 10тина дена подоцна.
