Музичка комедија, во режија на браќата Коен?
Може да звучи како шега, имајќи го во предвид искуството на режисерско дуо Џоел и Итан со филмови како “Нема земја за старци” , “Фарго”, “Големиот Лебовски”, но тоа е вистина. Четирикратните носители на “Оскар” се враќаат на големиот екран како автори и режисери на ѕвездената музичка комедија “Аве, Цезар!”.
Замислата на филмскиот проект датира уште од далечната 2004-та година.
Уште тогаш браќа Коен го избираат Клуни за една од главните улоги.
Според зборовите на Коенови филмот ја завршува трилогијата, исцртана од филмовите “О брате, каде си?” од 2000-та година и “неподнослива суровост” од 2003-та.
“Аве, Цезар!” следи еден ден од работата на филмско студио, исправенo пред сериозни проблеми чие решавање не трпи одлагање. Човекот на чии што плеќи тежи одговорноста да среди сè (Џорџ Клуни) е киднапиран …
Акцијата се одвива речиси целосно во холивудско филмско студио, како се прикажани местата каде се снимаат различни филмови со различен музички амбиент.
Од екипата прецизираат дека публиката ќе стане сведок и на уникатен степски-танц во вода, под придружба на музиката на композиторот Картер Бернуел.
Во новиот наслов на браќата Коен учествува цела плејада ѕвезди како Џош Бролин, Џорџ Клуни, Чанинг Татум, Скарлет Јохансон, Тилда Свинтон, Ралф Фајнс, Џон Хил и Френсис Мeкдормaнд.
Комедијата е продуцирана од дуото Џоел и Итан, преку Mike Zoss Productions, заедно со Ерик Фелнер и Тим Беван од Working Title.
Премиерата на “Аве, Цезар!” ќе се случи на почетокот на 2016-та година.
