Семејството на реалната ѕвезда и познатиот рапер ќе се прошири. Тие објавија дека нивната ќерка Норт ќе стане постара сестра!
Норт пристигна неочекувано, но за второто дете, Ким Кардашијан и Канје Вест баш се потрудија. Реалити ѕвездата пред камерите проговори за своите проблеми со зачнувањето, но за среќа сепак успеа да забремени и покрај сите маки и вештачко оплодување.
Проблематичната прва бременост и донесе на ѕвездата уште поголема популарност, па во 2013-та година за Ким се зборуваше повеќе и од првото кралско бебе и Кејт Мидлтон.
Ким новата бременост ја објави во новата епизода „Keepin’ Up With Kardashians“, но се уште не се знае терминот на породување на второто бебе на Канје. Но, откако се дозна среќната вест, целиот интернет се сети на истата шега- кое име ќе му го дадат на второто дете? Саут Вест (Југо – Запад)?
Со оглед на чудните идеи на Канје, се чини дека можеме да очекуваме сешто во овој втор круг.
Ким и Канје, честитаме! 🙂
