Од неа може сè да се очекува, но овој пат таа ги остави сите без здив и тоа во позитивна смисла.
Лејди Гага е позната по тоа што секогаш нешто изведува. И овој пат изведе нешто на доделувањето на Оскарите и ја остави публиката и милионите гледачи без здив.
Таа покажа дека и без фустан од месо и чудни креации може да привлече внимание, а за тоа доволен е само нејзиниот глас.
Комплименти и пофалби пристигаа од сите страни. Некој од публиката извикал дека треба веднаш да ѝ се даде Оскар за изведбата на „The Hills Are Alive“, „My Favourite Things“, „Edelweiss“ и „Climb Ev’ry Mountain“. Гага ги изведе песните во чест на педесет-годишнината на филмот „Мои песни, мои соништа“, кои оригинално биле изведени од Џули Ендрјус.
Воодушевувањето било уште поголемо која на оскаровската сцена ѝ се придружи дивата Џули Ендрјус за да ја прегрне и да ѝ се заблагодари.
„Навистина ми го стопли срцето, навистина“, рекла Џули за фантастичната изведба на Лејди Гага.
Се спомна и дека за раскошниот фустан кој го носеше Лејди Гага на црвениот тепих биле потребни 1600 часа за негова изработка.
