Мараја Кери и комичарот Ник Канон наводно имаат големи проблеми во бракот.
Медиумите пишуваат дека одат кој развод и дека почнале да живеат одвоено, а сето тоа е затоа што Мараја ангажирала чувар за да внимава на нејзиниот сопруг.
По шест години брак се тргнало надолу. Кога на почетокот на оваа година нејзиниот сопруг организирал забава на базен во Лос Анџелес, познатата пејачка најмила чувар кој требало да внимава на Ник, бидејќи се плашела да не ја изневери, пишуваат американските медиуми.
„Чуварот не бил таму да внимава на девојките, туку за да не може ниту една девојка да му се приближи на Ник“, рекол извор.
Исто така, на истата забава му забранила да пие алкохол бидејќи паѓа во неволји кога е пијан.
Тие двајца се венчаа во 2008-ма година и две години подоцна станаа родители на симпатичните близнаци Мороко и Монро.
Овие гласини ги поддржува фактот што веќе долго време не се фотографирани заедно, а на својот Инстаграм Мараја објавува фотографии само со близнаците.
