Ники де Јегер од Холандија – 20 годишна уметница објави фотографии и видео , во кое таа стави шминка само на едната половина од лицето. Потоа, стотици девојки веднаш ја поддржаа нејзината идеја и низ социјалните мрежи започнаа да се споделуваат слики со хаштагот #ThePowerOfMakeup , што во превод значи „силата на шминката“.
Со ова девојките целат да докажат дека никој не е совршен, а шминката ги прекрива недостатоците создавајќи илузија и нереален репер за убавина.
За помладите, добро е да се знае дека и девојките по магазините не се онакви какви што изгледаат на насловните страни, а доколку не ни верувате самите воочете ја разликата споредувајќи ги левата и десната страна од лицата на фотографиите.
