Сабина Кехм, портпарол на Михаел Шумахер, откри како здравствената состојба на седумкратниот светски првак во Формула 1 и понатаму се подобрува.
Кехм во јавноста се обрати преку видео интервју, во кое изјави: „Драго ни е што можеме да кажеме дека неговото здравје и понатаму се опоравува, а ова го велам земајќи ја предвид тежината на повредите кои ги имаше. Секако дека уште долго ќе трае борбата за сите негови блиски, но среќни сме што и тој е со нас заедно во оваа борба“.
Кехм го изјави ова денес во рамки на промоцијата на спонзорите. Изминатата седмица беше претставен неговиот скапоцен часовник во чие дизајнирање помагаше и самиот Шумахер.
Од неговата повреда до денес, изминаа 17 месеци.
