Креаторите на паметни часовници и други модерни додатоци продолжуваат да создаваат се поголема функционалност и повеќе уреди.
Сепак, во голема мера, новиот кориснички сегмент не е позиционирање трајно на пазарот, што значи едно – под сомневање е неговата иднина. Многу експерти и новинари забележуваат зголемен интерес од страна на корисниците, но се уште уредите не ги нудат сите очекувани карактеристики.
Собравме листа со некои од желбите на корисниците за идна функционалност во новите паметни уреди.
Детално следење на здравјето – во моментов многу од најпаметните нараквици и часовници имаат основни можности во таа насока: мерење на срцева фреквенција преку оптички и тактилни начини како и различни можности за следење на поминатото растојание. Здравствените работници и пациентите сепак инсистираат за некои практични функции, на пример, мерење на нивото на шеќерот во крвта. Во иднина би било добро и да се размисли за можноста за поврзување на најпаметните уреди со некои од медицинските апарати, кои се користат често во дијагностичка пракса, како Холтер монитори, кои што служат за следење на електричната активност на срцето.
Блогирање – Блогирањето е едно популарно хоби (исто и професија за некои од познатите блогери), а креаторите на уреди веќе почнаа да додаваат и удобности кои се корисни на блогерите. Пример е Autographer, првата камера која е корисна за креирање на фото блогови. Ќе очекуваме уште повеќе можности кои ќе се интегрираат во најпаметните уреди – камери и микрофони, кои ќе им бидат корисни на блогерите.
Подобрено гласовно управување – многу од уредите на пазарот веќе нудат можности за гласовно управување, но тие се уште не се идеални. Се разбира, ние би сакале и можност за гласовни команди на македонски јазик.
Преводи во реално време – преведувањето во реално време на глас е можно преку апликации на смартфоните. Тоа би било корисно ако се интегрира во уште преносни уреди како паметни часовници и нараквици.
Во помош на образованието – најпаметните нараквици би можеле да бидат корисни во процесот на образованието – преку неговата употреба во новите училници, како и за решавање на интерактивни тест задачи.
Далечински управувач – најпаметните часовници би можеле да го интегрираат управувањето на голем дел од домашните апарати и периферни уреди.
Комуникација – во моментов најпаметните часовници се само пасивно средство за пренос на пораки. Би било погодно ако интегрираат и функции за аудио и видео повици.
