Тенки кори пандишпан полнети со ванила крем.
Изладен во фрижидер, овој десерт е идеален за летните денови!
Подготовка
Чекор 1: Жолчките изматете ги со шеќерот, па додадете ги маслото и млекото. На крај додадете го брашното и измешајте со лажица. Ние користевме големи јајца и полни лажици шеќер и брашно.
Истурете ја смесата во тавата и печете во загреана рерна на 180 степени, 15 минути. Тестото оставете го малку да се излади, па внимателно извадете го од тавата и пресечете го на два дела.
Чекор 2: Прашокот за пудинг измешајте го со 4 лажици шеќер, ванилин шеќер и 200 мл вода. Остатокот од водата ставете ја на оган и кога ќе почне да врие додадете ја смесата за пудинг. Мешајте додека не се згусне.
Чекор 3: Белките убаво изматете ги со 15 лажици шеќер, кои ќе ги додавате една по една. Потоа додадете им го врелиот пудинг и измешајте мазен крем.
Чекор 4: Првата кора ставете ја во Малата Ростер тава која ќе служи како калап, истурете го врелиот фил и ставете ја втората кора. Оставете го да се излади, а потоа да стои неколку часа во фрижидер пред послужување.
Чекор 5: Исечете го на коцки и сервирајте го наросен со шеќер во прав.
СОВЕТ: Ние печевме една кора, па ја поделивме на половин. Но, во зависност од времето на располагање и тавите во кои ќе печете, вие може да печете две кори со половина од смесата, соодветни на тавата во која ќе ја филувате питата.
