Дали правиш планови во облаци? Дали успеваш да го оствариш планираното? Или можеби никогаш не ти успева тоа? Реши го тестот и откриј!
1. Еден твој другар планира да научи да свири гитара и да основа бенд. Што ќе го советуваш?
★ „Одлично! Сигурно ќе станеш славен!“
▲ „Добро е. Како можам да ти помогнам?“
♥ „Мораш да вежбаш, вежбаш, вежбаш!“
2. Една твоја другарка вели дека држи диета. Меѓутоа, таа постојано грицка чипс и јаде слатки. Што мислиш за тоа?
♥ Глупаво. Зошто сака да држи диета кога не може да издржи?
▲ Штета. Со својата лакомост никогаш нема да успее.
★ Вообичаена појава. Никој не може да им одолее на слатките.
3. Што мислиш: дали е важно во животот да имаш диплома?
▲ Се разбира, во спротивно не е можно да најдеш добра работа.
♥ Зависи од сопствениот талент. Ако некој сака да ја постигне целта мора да има диплома, но оцените не се толку битни.
★ На машките им е потешко. Женските можат да се потпрат на мажот.
4. Џепарлакот никогаш не е доволен. Дали знаеш некои трикови за да успееш да заштедиш некој денар?
★ Не. До 15-ти во месецот го трошам целиот џепарлак.
♥ Уф, најчесто ги замолувам мајка ми и татко ми да ми дадат пари кон крајот на месецот, затоа што веќе сум го потрошил/а целиот џепарлак.
▲ Секако. Ги распоредувам парите соодветно, а кога ќе останам без пари, чекам до почетокот на следниот месец за повторно моите да ми дадат џепарлак.
5. За време на една забава ти се укажува можност да и пријдеш на твојата симпатија. Што ќе и кажеш?
★ „Сакам да одам на крајот на светот. Дали сакаш да дојдеш со мене?“
б) „Дали знаеш дека постојано мислам на тебе?“
♥ „Верувај ми, јас сум најдоброто нешто што може да ти се случи во животот.“
6. Многумина имаат желби. Но, не се трудат да ги остварат. Дали и ти?
♥ Не. Знам точно што сакам.
★ Веќе се навикнав на тоа. Не се трудам да ги остварам желбите.
в) За важните нешта во животот потребна е иницијатива. Најчесто ми успева да ја остварам целта.
7. Секој трет малолетник пие алкохол. Која е причината за тоа?
▲ Веројатно се несреќни и немаат визија за животот.
♥ Виновни за тоа се родителите. Веројатно и родителите пијат.
★ Навистина е прекрасно да бегаш од реалноста со помош на алкохолот.
8. Кога планираш нешто големо, како успеваш да ја оствариш целта?
♥ Разработувам детален план како да стигнам до целта. Кога ќе наидам на проблеми, се консултирам со соодветни лица.
★ Си фантазирам како ќе изгледа реализацијата.
▲ Го договарам концептот со моите најдобри другари и ги слушам нивните ставови.
9. Секој доживува неуспеси. Како се справуваш со разочарувањата?
★ Бегам од реалноста. Сурфам неколку часа на интернет или играм софтверски игри.
♥ Детално размислувам каде погрешив и се обидувам следниот пат да не ја повторам грешката.
▲ Правам забава. На тој начин успевам да се ослободам од лошото расположение.
10. Дознаваш дека некој те озборува. Каква ќе биде твојата реакција?
▲ Побеснувам! Не сакам да ме озборуваат.
♥ Останувам опуштен/а. Што мислат другите за мене не ме засега.
★ Се чувствувам навредено. Постојано се трудам да не навредам никого.
БОДУВАЊЕ: Најчесто заокружуваната буква го дава решението.
Ѕвезда:
ТРНОРУШКА
Во својата фантазија си голема ѕвезда, посакуван модел, вечен победник. Но, додека живееш во твојот свет на сказните, животот тече, а шансите се пропуштаат…
Совет: Разбуди се! Имаш само еден живот, затоа не пропуштај ја шансата. Побарај луѓе што можат да те поддржат во твоите намери и почни да ги остваруваш твоите планови.
Триаголник:
БОРЕЦ
Настојуваш да ја оствариш целта. За тоа вложуваш големи напори. Но, и покрај тоа, во поголемиот дел од случаите доживуваш неуспех.
Совет: Не поставуај превисоки цели! Оди „чекор по чекор“ кон реализација и радувај се на секој мал успех. Тоа е најдобрата мотивација.
Срце:
КАРИЕРИСТ
Имаш челична волја, благодарение на која успеваш да ја оствариш целта по секоја цена. Сеедно ти е притоа што ќе ти се испречи пред патот. Подготвен си да ја жртвуваш љубовта, пријателството, па дури и да страдаш.
Совет: Запрашај се дали тое те усреќува. Запомни, егоизмот не води никаде, туку има трајни последици.
