Меурчињата на кафето можат да го предвидат времето?

Ако се тресе кафето во шолјата, веројатно сведочите земјотрес, тоа е јасно. Но што значи движењето на меурчињата?

Меѓу се што налетавме на интернет, наидовме и на оваа проверена (наводно) информација. Имено, шолјата топло кафе може да ви послужи како барометар со кој ќе го измерите атмосферскиот притисок, а со тоа и ќе ја предвидите временската прогноза.

Кога ќе го сипете кафето, набљудувајте ги меурчињата. Ако набрзина се движат кон работ на шолјата, во наредните 12 часа ве очекува ведро време. Ако стојат во средината, очекувајте дожд и наоблачување, а ако бавно се движат кон работ – можете да очекувате разведрување.

Па, ете начин да знаете што да очекувате следниот пат кога ќе бидете на кампување и ќе немате пристап до интернет.