Неверството е една од најчестите причини за развод во светот. Сопругот или сопругата не ги издржале проблемите и почнуваат меѓусебни лаги, средба со други партнери, а понекогаш и со неколку партнери.
Пред да се ставите во улога на детектив и започнете со „истрага”, прво размислете што ќе заработите од тоа. Дали сте подготвени за најлошото – да дознаете дека вашиот партнер мами?
Потоа ако сте подготвени – што планирате да направите по тоа прашање ? Ако побарате развод, ќе имате ли доволно средства за судови и самостоен живот? Ако не побарате, ќе можете ли да живеете со тој факт? Ќе можете ли да започнете нов живот?
Во ваква ситуација потребно е да дејствувате ладнокрвно и осмислено – турбулентните емоции од ваша страна ќе го издадат вашиот сомнеж. Тој/таа ќе започне да внимава на „однесувањето” некое време, можеби дури и ќе престане да се гледа со љубовникот. Но откако ќе се смирите, ќе продолжи со изневерувањата. Зато најдобро е рационално да поткопате.
Неверниот партнер веднаш ги брише SMS пораките, затоа проверете ги најпрво појдовните повици.
Сепак, постојат неколку работи кои издаваат во ваква ситуација . Внимавајте на нив.
Прв знак – постојано работи до доцна, отсуствува од дома и за време на викендите.
Втор знак – постојано добива повици и пораки од „пријатели” и „колеги”, кои задолжително се спроведуваат или читаат насамо во друга соба.
Трет знак – Неподготвеност за секс. Сепак внимавајте бидејќи недостатокот на либидото и желбата можат да се должат и на стресови на работното место или проблемите со децата. Но, доколку ништо не е проблем, а ова се случува во континуитет, треба да знаете дека нешто не е во ред.
Четврти знак – Невнимание кон сопругата/сопругот – Телевизија, интернет, дистанца, странци.
Петти знак – Избрзани и кратки објаснувања за тоа зошто се задржува на работа или зошто ќе отсуствува викендот. Ако го/ја прашате за истото само едно деноноќие подоцна, приказната ќе „издува” од нови факти, додека старите ќе бидат веќе заборавени. Ова покажува дека оправдувањето е измислено.
Ако се судрите со љубовницата/љубовникот , нема да постигнете ништо, освен да се вознемирите. Овие луѓе си ја знаат улогата и свесни се дека таму некаде постои семејство, но тоа не ги предомислило.
Останува на вас, ако го докажете своето сомневање да донесете одлука, која никако нема да биде лесна…
