По пуштањето на Diablo III во продажба фановите кои го чекале ова продолжение веќе 12 години решиле целосно да му се посветат. Како и со новите ограничувања на нивото во World of Warcraft, секош има луѓе кои ќе се обидат да стигнат до „крајот“ први.
Па и не е некое изненадување дека неколку групи успеале да ја завршат Diablo III за кусо време. Најспектакуларниот извештај е дека еден играч успеал сам да ја заврши целата кампања за 12 часа и 29 минути додека две групи, од кои едната била составена од четири играчки, ја завршиле за седум часа – очигледно избегнувајќи ги честите падови на серверот.
Играчот кој сам ја завршил играта, Јошичан (Yoshichan), ја постирал својата статистика од крајот на играта на која јасно се гледа време од 12 часа и 29 минути. Тој го достигнал 32-то ниво играјќи како варварин на нормална тежина. Тој собрал 168.000 злато, убил вкупно 8368 непријатели и има DPS рејтинг од 415 – што најверојатно е многу.
Kај групите, едната е составена од играчи од Кореја другата од играчи од Кина. Двете групи постирале слика на мртов Diablo како доказ за завршена игра.
Корејската група
Кинеската група
