Блиската средба со други патници секогаш е можна кога се користи јавниот превоз. Но, ова не е вообичаен ден. Јавниот превоз во поголемите градови беше преполн од патници со голи нозе кои земаа учество во прославувањето на меѓународниот ден, „Возење во воз без панталони“ (‘No Pants Subway Ride’).
Започна како шега од страна на група комедија Improv Everywhere во 2002-ра година, со неколку бесрамни патници, но оттогаш прерасна во глобален феномен.
Возовите и трамваите во поголемите градови од Брисел до Пекинг и Софија до Сиднеј во неделата беа преплавени од патници со голи нозе и долна облека.
Настанот започна во Австралија, каде патниците се разладуваа од топлите летни услови со соблекување на нивните панталони. Од таму, пред 12 години њујорчани го превземаа трендот, кој денес е распространет низ целиот свет.
Правилата се едноставни: долна облека мора да се носи, иако секакви дизајни се дозволени, и да биде нормално облечена горната половина од телото. На учесниците, исто така им е забрането да зборуваат еден со друг и се охрабрени да понесат со себе „било каква активност што нормално се прави по пат: весник, книга, комплет за шиење.“
