Можеби не сте фанатик по трчањето низ бутиците и продавниците заради намалените празнични попусти.
Можеби не ви се допаѓаат декорациите, екстравагантните орнаменти,а китењето на елките ви е нападно и кич. Можеби почнува да ве иритира дискутирањето за Божиќ, прославувањето на Нова Година и едноставно не сте празнична личност.
Го делите мислењето со мал дел од светот дека сепак ова прославување е само дел од капиталистичката машина. И тоа е во ред. Редно е некој и вам да ви посвети внимание.
За сите оние кои се не се претерани фанови на празнициве, ви претставуваме цинични празнични хорор епизоди, кои се всушност анти-празнично настроени. Уживајте во хуморот и цинизмот.
Епизода 1 – Batman: The Brave and the Bold: “Invasion of the Secret Santas”
[youtube]http://youtu.be/5SjDAWgRplQ[/youtube]
Станува збор за Робот кој е наречен Црвено Торнадо, кој дава се од себе да го сфати духот на празнувањето на Божиќ, додека во исто време му помага на Бетмен да го уништи Божиќ со својата армија од воени играчки.
Епизода 2 – Misfits: “Christmas Special”
[youtube]http://youtu.be/1S9pM5fQOBs[/youtube]
Хумористична и на моменти морничава, оваа епизода ги прикажува чудаците кои откако завршуваат со општествената работа која им е доделена како казна, се обидуваат да го најдат својот пат во вистинскиот живот. Тие имаат супер моќи кои се повеќе досадни отколку што се корисни, но наскоро, наидуваат на човек кој откупува моќи за пари и тие ја зграпчуваат шансата.
Епизода 3- The Hogfather
[youtube]http://youtu.be/MZamL8FXKOE[/youtube]
Како повеќето Discworld серии на Тери Прачет, така и оваа е фантазија вткаена во алегорија која раскажува за Hogfather и неговото патување низ небото со својата санка, оставајќи колбаси, пити со месо и останати подароци за добрите дечиња.
Епизода 4- “In Defense of Humbug”
[youtube]http://youtu.be/JBHMwB3x2ho[/youtube]
Ова всушност и не е анти-празничен серијал. Ова е видео спот од еден хип-хоп диџеј и видео блогер- Џеј Смут, кој е најпознат по видеото “How to Tell People They Sound Racist” (како да им кажеш на луѓето дека звучат расистички).
Епизода 5- It’s Always Sunny In Philadelphia: “A Very Sunny Christmas”
[youtube]http://youtu.be/8STmmPcWQDw[/youtube]
Ова е дефинитивно една од моите омилени серии. Дури и луѓето кои не ме познаваат приватно, го знаат овој податок. 
И онака серијава изобилува со реалната глупавост на луѓето и цинизмот, па едноставно нема подобар начин да се претстават ужасни луѓе кои не прават ништо добро на Божиќ.
Епизода 6 – Justice League: “Comfort and Joy”
[youtube]http://youtu.be/_UsUIG2wp3g[/youtube]
Членовите на Justice League се распаднаа и влегоа во голема караница, со цел да може секој посебно да си го прослави Божиќ на свој начин. Супермен си ја носи Мериен дома во Смолвил за Божиќ, Флеш се здружува со негативецот Ултрахјуманајт за да пронајде продадена играчка, а Зелениот Фенер и Хокгрл влетуваат во тепачка во бар во Вселената.
Текстот е објавен во соработка со Socialnet.mk
