Овие бисквити со црн пипер потекнуваат од Хрватска и се навистина лесни за подготовка, а да не заборавиме да кажеме дека имаат преубав вкус! Количината на црн пипер која ќе ја употребите зависи од вашиот вкус, а ние се одлучивме за повеќе – сепак, тие се викаат Бисквити со црн пипер!
Преземи го рецептот во PDF
Состојки
170 грама путер
2 супени лажици мед
200 грама шеќер
260 грама брашно
1 супена лажица крупно мелен црн пипер
1 супена лажица пимент
1 јајце
1 рака мелени ореви
За подготовка на овој рецепт користиме Делимано Ростер.
Подготовка
Чекор 1: Изматете ги медот, шеќерот и путерот (на собна температура) со миксер на најголема брзина додека да добиете мазна смеса.
Чекор 2: Додадете го јајцето и убаво промешајте, потоа додадете ги мелените ореви, пиментот и крупно мелениот црн пипер. Нам повеќе ни се допаѓа ако во црниот пипер има и покрупни парчиња.
Чекор 3: На крај додадете го брашното и замесете мазно тесто.
Чекор 4: Покријте го тестото со пластична фолија и оставете го во фрижидер или на ладно место 2 часа.
Чекор 5: Потоа, на набрашнета површина расукајте го тестото за да добиете кора дебела 1 сантиметар и, со калапче во форма по желба, исечете ги бисквитите.
Чекор 6: Ставете ги бисквитите на Делимано Ростер тавата и печете 12 – 15 минути на 160 степени. Поделете ги топли со пријателите во комбинација со кафе.
СОВЕТ: Овие вкусни бисквити се идеални во студените зимски денови, но можете да ги комбинирате и со сирење или џем. Изборот е ваш – уживајте!
